Free Web Hosting Provider - Web Hosting - E-commerce - High Speed Internet - Free Web Page
Search the Web

في نقد الذات

شريانيك وقف من نقطة دم ما فيهو

واحسب عمرك شوف فضل كم فيهو

فاتح ليك طريق لابد من تمشيهو

والعيش نجض الزارعو يحصد فيهو

عماهو البياض من راسو لاضنيهو

وسنونو اتفرقن والشوف تحت كرعيهو

يأمل في الملايين والرفيق ناسيهو

يومو القابلو المحنة وقعت فيهو

انلمو الاهل الدايرو والمابيهو

وقعدوا في الواطة ورفعوا الايادي عليهو

الحفار جروا بسرعة يبحتوا ليهو

ومن المنزل خرج ما في اقامة ليهو

***

صيوانهم صلحوهو بقهوتو وشاهيهو

والوريث يفكر في حسبتو البجيهو

كل ما زول فتح عمودو لتقهيهو

وهو غير القدمها كوز موية مو لا قيهو

البني البار معروف ببر والديهو

وقَف من حلالو ما بدور مشارك فيهو

كل ما صلي قرا الاخلاص واوهبو ليهو

ورفع ايديهو قال يا ربي تغفر ليهو

 علي محمد بابكر 1926- من مواليد قرية الكبوراب، ريفي جبل اولياء وتتبع لمحافظة ابو قوتة ويقع بها مشروع سندس الزراعي. وعلي شاعر فحل ومجيد . وما ننشره له هنا ليس باجود شعره، لولا اصراره علي الافتتاح بهذه القصيدة والتي أطلق عليها "في نقد الذات".