|
|||||||
|
|
|
|||||
|
|
|||||||
تأملات في أحوال الزمان
الحجاج محمد حسن
ما حاسب الرفيق يجري ويقول لي جوكا
وما حاسب القُراب يبقو كلاب فوق دوكا
ان سلم العضُم يا ام ختوة مبروكا
عُقٌب الحي بضوق الزرعة بالسلوكا
*****
ما حاسب الرفيق يحري ويقيف يتقدل
وما حاسب القريب حالو القبيل بتبدل
ان سِلِم العضم العوجة دي بتتبدل
الحجاج اخو الزول الكِتيفو مهدل
*****
ما حاسب الرفيق بتغابي في العِرفة
وما حاسب القريب لِي في الضَُعَُف ما بِرفه
الواحد كِرِيشُتَو كبيرة زي القَرُفة
مِتِلً تور البَقَر الشِبِع في خَرُفه
ما تقول بي حاله ما منصرفه
طالب باب الكريم زَرُعه وتجيها الطَرُفه
ست البيت اسويلها ام خِشيم للغَرفه
*****
اكان للكباشي اخير من غيرو
واكان للحِجير إتًبِن لي قي سديرو
فارا دخل في جحيرو
***********
عُمارنا بقو بلاش
ما فيهم من يِسَكِن الكُراع ان داش
رفاقتي ما لقيت فيهم اخو الفشفاش
كضيبات الدَرَت ما بِتًـلَقَن في رُشاش
إتًكَـرُفَـسَت الأيام وِتدَمَرالجُرَّاش
وُطَرَني زمان الدَرَقة والتُركاش
فاقد ود اخوي اب رسوة ايد القاش
موجوع لي علي زولاً هنا وغشاش
*****
يا نفسي قط ماتهمي
ومن الشَلُهَته روقي شوية انجمي
دا رَبط الرُجال فيهو بودر دمي
الصح إتُنَـقَل من الفقير لي الاُمي
*****
عولابنا الحُمُر المرقو من الليد
وعينهم للعوالي إشترو التقليد
أكان لي طه اصلو بليد
واكان لي مصطفي فات حدوده بعيد
*****
ما اتجوجينا ما كضبنا
ما فُتنا الشروط في ادبنا
وكت الناس بدورو سببنا
بقو يتحدثو في جِبَبَنا
اورنيكك وسخ يا طه في مكتبنا
والضابحلو ديك في الحلة ما يخاطبنا
عليَّ الطلاق تطول الصَبُنا
المابينا إلا يرغبنا
*****
اولاد احمد نفلهم بان
عبد الدافع دي الدنيا وانا دا الطبقان
اتنين ما اتلقن للنعامة جري وطيران
السيد ان حكم العبد يكون رضيان
خلوهن كدي النقرن مننا الاعيان
*****
العاقل بعدي لاب عيارا فالت
والاتنين مغسهم بجري من التالت
ما بصح الاكل في عزيمة المو صالت
حجاج قال كدي دايرلو زول يغالت
*****
العاقل يلزم ضلو
الناس ضاقت طعم السكاكر حِلُو حِلُو
الشاي وكت يشدو ود ابوك ما تطلو
وكت تقول سلام يشوفك تقول ود ام بعلو
*****
كل ما تقوم لك في أمُر منو ما تتباطه
كَمِل جُهدك بعزم وسلاطه
انت النسر الشبع الخَباته
ما حاكيت فلان التابع المراة السواطه
*****
تور عباس إتُقَنـَت
والعشمان إتُسَنَط
اختو عليهو ما حنت
شافت طبعو وجنت