|
|||||||
|
|
|
|||||
|
|
|||||||
شـــواهـــد
*غزا صيني
صباح الخير ايها الشعب السوداني...
عجن الزائدة سماح
زايدة شقاوة
يا العليلك ما ليهو طب وما بتداوي
واسيرك كل يوم تزيدي عليهو قساوة
ويوم تكوني مافي .
. بس نسيم شمبات.
. آخر طراوة
*******************
محكرة جوة الفؤاد البيها مريض
وما مرتاح انتي
يا الراكبانا جربندية..
يا الشايلين حبك زندية
انتي يا الكربتينا لواري وباصات
وقطعتينا كباري
وخليتينا في كل جبيب نراري
******************
انتي يا ذات البين ياجينك تكلحين
. يا ذات الوجه الشين
يا متفنشة من غير وجه
ولا يدين ولا قدمين
انتي التي لا تملكين
من الدنيا سوي
الكرش وتينك الاذنين
******************
انتي يا الركبتينا طيارات
.. وحومتينا بالقارات
مره ومشلخين ومشلخات
وبيتينا قدام السفارات
قياماً وقعودا ووقوفاً
مشحططين ومشحططات
انتي يا ذات العضلات
انتي يا من كان
اسمك المخلاة
وصرتي بقدرة قادر ست الستات
آه ثم آه حتي يغمض
عنا الجفن وتنخرم اللهاة
*******************
اسري هواك-لرغم أنفنا-
ولدان وشباب وكهول ،
مدروشين ونصاح
وفاقد هواك تب مو صاح
اما عليل وفي المرتبة
منبرش آخر انبطاح
واما منتفخ الاوداج
وتحليته بدل الشاي ، التفاح
*******************
اسري هواك
عجم وبكم وفصاح
يا محكرة في الجوف
وحبك ليهو
وحاح يا السمحة يااااااااا
..قفة الملاح
مع تحياتي حليمة