|
|||||||
|
|
|
|||||
|
|
|||||||
ورقتك رقه .. بي حلو الكلام الطعم ليهو
في الطريق رفقه .. وطيفك رقه جاييهو
وفي القلب دفقه.. تدغدغ جواهو ترويهو
ماالهوى وخزه..حنينه بي لحظو راميهو
والهوى نغزه .. نسمه لي الفؤاد تصحيهو
والهوى نزقه.. وين راح وراهو باريهو
بيهو بنسعد .. في روعة جمالو واديهو
وبلاهو بنشقى .. وراهو تعبو وجريهو
وبيهو بنبقى .. شموع تنور ظلام لياليهو
الفراق حرقه .. والجمر حافي واطيهو
وين ماشي مقبل ماشي لي منو مخليهو
في الوطن شرقه بعالي الصوت تناديهو
وما ليهو غير ذكرى منك جايه تواسيهو
العيون زرقه غالي الدمع تحاول تداريهو
زي البحار زرقه اعماقو بعيد شواطيهو
لي السماء ترقى ماخداك هناك عواليهو
ما الوصال سرقه العيون فاضحة خافيهو
ساعاتو زي برقه .. في القلوب معانيهو
في الحواري والازقه .. الخطى تمشيهو
والمُنى لو تطول مرقه .. دعاهو لبيهو
والهوى شمعة .. نورها الجوه ضاويهو
باللحاظ رمقه .. وسهمو الرمش باريهو
من النفوس شهقه .. وين نَفَسَك توديهو
تلقاها القلوب غرقانه..في بحاره عينيهو
شعر: حيدر الشيخ
