|
|||||||
|
|
|
|||||
|
|
|||||||
ريقو .. عسل شنو الجايي بيهو تقارنو
والضاقو .. مرضو عصيب بدنو اتعافى
وجوفو .. وخوفو .. وكمان وجدانو
ان سكت اتزلزل جواك وكاد انفجر بركانو
وان نطق حرتو لسانك ان قارنت بيهو لسانو
سنابل القمح اللينه وطاعمه وناضجة قباله اوانو
جمال وعقل بيهو الاله تم كل نقيصة وزانو
المولى حماهو ومن الحساد حصنو صانو
والبحميهو المولى منو بالله القادر يهد اركانو
وين عاينت وزنو تقيل منو البطول ميزانو
كسبان الراهن عليهو ومبروك عليهو رهانو
انسان والله فوق العين ان العين فقد انسانو
عميان القال في حالك الليالي ما شاف لمعانو
وكضاب القال مره براهو خاض ميدانو
الوجه كلامو كتير لكن منو البعرفو رطانو
غير فكاك الطلاسم نادوهو اياهو ترجمانو
فارس التقيلة العارف قدرو وليهو فاردو حنانو
الشافو شهق فاق وعاد بعد غياب لي اوطانو
والواجه لحظو فارس حِمى بي جداره نال نيشانو
شعر: حيدر الشيخ
