|
|||||||
|
|
|
|||||
|
|
|||||||
أحكي ليك في ليلي البيك صبح موصول
عن همي البي الضحك معاك دوام مغسول
وعن حياة الغربة شدة وان شاء الله تزول
وعن المُنى في دعوة لحظات هوانا تطول
وان شاء الله الغياب زمن قصير ما يطول
والفرح خطاوي تهز الارض داقة بينا طبول
ونعود لي البلد الفيهو النسيم بينا باقي رسول
فيهو الكلام حارسو النجم ندي ومعسول
وفيهو القلوب مفتوحة اتحدى كان قلب مقفول
يا مسكن الوجع المر اياك أحلى زول
القلب ليك انقاد فوق طرف الرمش جاك محمول
ما انت سكنتو من زمان وعندك لقالو احلى قبول
القلوب لما تتلاقى مافي صعاب بينا تحول
اهلاً بيك ومرحب يا الفي الفؤاد من زمان مشتول
شعر: حيدر الشيخ
