|
|||||||
|
|
|
|||||
|
|
|||||||
جاييك بي فرحي القديم
بي فرحي الجديد ابشر
جاييك فراشة عنك
بين الورود تدور
جاييك سجينك وحبك
لي مسور
جاييك بي شوقي
الشديد وقوي
جاييك في ظلمة
الليل نوراً بضوي
جاييك ومشتاق انا
الودعت لي عينيك توي
جاييك احساس فوق
كل التصور
جاييك اسأل عن الفراق
والبعد البِحَيِر
وعن زمن المحبين مهما
طال برضو قِصَيِر
وعن الحارسو العقل
وخاتي التهور
جاييك شايلك جواي
وعنك ادور
جاييك الريد المسنن
ودوبك بتور
وتقولي البنشوفو فينا
ما دوبو ريداً صِغَيِر
الفينا من زمان اتولد
اتربى وكِبَيِر
الليلة لي الجوانا قلب
واصبح مِغَير
لينا مَلَك وليهو سلمنا
واصبح مِسَيِر
بي كل الفرح جاييك
يا كل الفرح اخترتك
نجمي البِنَوِر
شعر: حيدر الشيخ
