Free Web Hosting Provider - Web Hosting - E-commerce - High Speed Internet - Free Web Page
Search the Web

 

بشاير السلام

فرحنا ومنو الما فرح لما سمع

السلام من مشاكوس لاحنلو بروق

اياهو الباب القديم معروف

لكن بي جدية ما كان مطروق

بعد ما النفوس صبحت بائسة

والبهايم صارت ريحة عفن ونفوق

جانا الخبر من مشاكوس خلانا

من سأم السلام مره نفوق

القضايا كتيرة ومعقدة لكن دراجة حلول

اولادك يا وطن لي قافلة السلام بتسوق

ما تخلوها غافلة كل مشاكل البلد حلوها

ما تخلوها في الجسم بكره حروق

كيف بصير كاتل اخوهو السوداني

النفسو كريمة وطبعو خلوق

البلد بالحرب صارت جديبة والأم

صارت الدمع والحشا محروق

البلد الزيك يا وطن حرام الناس

منو تكوس لي المعيشة مروق

الأم الصارت العضم يابس

والجسم الناترة منو عروق

أسألو عنها قبال في الحرب يموت

لها صبي وتنهار الاماني الفوق

الناس الفي الوطن واحد ما مفروض

في العرق يكون بيناتا فروق

قدامنا مشوار طويل نبنيك ياوطن

والليل مهما طال لابد عاقبو شروق  

                     شعر: حيدر الشيخ