|
|||||||
|
|
|
|||||
|
|
|||||||
بعزك وبعز القال مرة بعزك
وبعز الشايلك معزة في عينيهو
وفيهن من جواهو فايض مدك
وكل الفيهو ينادي احبك احبك
ويا دوبو قليل اداكي منو حقك
والعرفك وكاتلو الشوق لي جدك
ما شاف لي وين اودي مزحك
والنسمة الهابه عليله منو ردك
كيف تتهادى وتتكسر فوقو خدك
*****
ما انت الشمعة الواقدة منو ضيك
والحب الآسر لينا ريقك وريك
مين في الكون واكوانا اكون زيك
ان غبتي حزن الكون لي مشيك
وان جيتي فرح الناس بي جيك
بعزك واقيف وسط الناس وانادي
وادق صدري ويزيد دقو فؤادي
واهتف بريدك وليك حبيبك وخيك
*****
بعزك وانت شايله همي أسيه
وبعزك قايله بعز الولد الساكن فيه
علمني الحق وقولة الحق وكيف الحق
هاجس صار واصبح عندي قضيه
قابضة بي كلي عليهو ومفتحة عينيه
