|
|||||||
|
|
|
|||||
|
|
|||||||
يا الماخدو مبروك عليك عرفت كيف تختار
الجمال الآسر فيهو وين غير ليهو تلقى منو فرار
ريدو مالك القلب وداهجو ولي الوقار كسار
حادق وطاعم وفيهو باين ما بدورلو شمار
المهموس معاهو حديث بان في الوجوه اجهار
ياموقع بي طيب خاطر وباصم بالعشرة ليهو اقرار
شن جابك في درب الوليد اللي الدقون ودار
وحيد في الساحة وصارع القلوب بدون انصار
تشوف عجب لما تشوف القلوب مصروعه بي النُوار
الشافك دقات قلبو نوبه حاره نابت محل الطار
يباغتك بي فيالق هجومو الما بسبقو حصار
ما قدامك غير تستسلم مبسوط والعقل محتار
يا واقد فيهو النار خليها هاديه شويه عليهو النار
ان صابك لحظو حسيتو منو ساري فيك لذيذ دوار
وان رماك بي سهمو منك ما بحوشو جدار
تحتار فيهو كيف بختار زي الموت ماخد الاخيار
لو فجأة اظلم ليل المكان الفيهو بيهو سطع انوار
وان ابتسم جنبك مار صابك منو طول عمرك السهار
وبقيت طول الليل تردد النار النار منطلقه في النار
